హైదరాబాద్‌లో ఇందిరమ్మ ఇండ్లు జనావాస ప్రాంతాల్లోనే నిర్మించాలి: సీఎం రేవంత్ రెడ్డి

హైదరాబాద్ ఓఆర్ఆర్ లోపల ఇందిరమ్మ హౌసింగ్ పథకం కింద నిర్మించే ఫ్లాట్లను జనావాసాలకు దూరంగా కాకుండా ప్రజలు నివసించే ప్రాంతాల్లోనే నిర్మించాలని ముఖ్యమంత్రి రేవంత్‌ రెడ్డి ఆదేశించారు.

ఈ నిర్ణయం వల్ల లబ్ధిదారులు ఉపాధి, పిల్లల చదువుల కోసం ఇబ్బంది పడకుండా ఉంటారని సీఎం తెలిపారు. ఇందుకోసం పోలీస్, రెవెన్యూ, రవాణా శాఖలకు చెందిన ఖాళీ ప్రభుత్వ భూములను గుర్తించాలని అధికారులకు ఆదేశించారు.

ఒక్కో ఇందిరమ్మ ఫ్లాట్ 528 స్క్వేర్ఫట్ విస్తీర్ణంలో ఉండగా, కార్పెట్ ఏరియా 400 స్క్వేర్ఫట్ ఉంటుంది. ఒక్కో ఇంటి నిర్మాణానికి ₹11 లక్షలు ఖర్చు అవుతుంది. ఈ మొత్తంలో ప్రభుత్వం ₹5 లక్షల సబ్సిడీ అందిస్తుంది. మిగతా ₹6 లక్షలు లబ్ధిదారులు చెల్లించాల్సి ఉంటుంది. భూమి ఖర్చు మొత్తం ప్రభుత్వం పూర్తిగా భరిస్తుంది.

తొలి దశలో 17 నియోజకవర్గాల్లో 7,680 ఫ్లాట్ల నిర్మాణం చేపట్టనున్నారు. ఈ ఫ్లాట్లు హైదరాబాద్ ఓఆర్ఆర్ లోపలి ప్రాంతాల్లో ఉండేలా ప్రణాళిక రూపొందించనున్నారు.