సీఎస్ సంజయ్ జాజు స్కూల్ యూనిఫాం పంపిణీపై కలెక్టర్లకు ఆదేశాలు

తెలంగాణ రాష్ట్ర ప్రభుత్వ పాఠశాలల్లో ప్రతి విద్యార్థికి నెల రోజుల్లో రెండు యూనిఫారాలు అందేలా చర్యలు తీసుకోవాలని రాష్ట్ర ముఖ్య కార్యదర్శి (సీఎస్) సంజయ్ జాజు జిల్లా కలెక్టర్లను ఆదేశించారు.

యూనిఫాం పంపిణీకి సంబంధించి ప్రభావం, ప్రత్యామ్నాయ ప్రణాళికలపై సీఎస్ కలెక్టర్లతో వీడియో కాన్ఫరెన్స్ నిర్వహించారు. ఈ సందర్భంగా అధికారులు 26 వేల మంది స్వయం సహాయక బృందాల మహిళలను యూనిఫాములు కుట్టేందుకు గుర్తించినట్లు తెలిపారు.

యూనిఫాం నాణ్యత విషయంలో రాజీ పడవద్దని సీఎస్ స్పష్టం చేశారు. స్కూల్ కిట్ల నాణ్యతపై నేరుగా విద్యార్థుల నుంచి ఫీడ్బ్యాక్ తీసుకోవాలని ముఖ్యమంత్రి ఆదేశించిన విషయాన్ని గుర్తుచేశారు.

యూనిఫారాలు సకాలంలో అందించేలా జిల్లా, మండల స్థాయి కమిటీలను ఏర్పాటు చేసి నిరంతరం పర్యవేక్షించాలని జిల్లా కలెక్టర్లను సీఎస్ ఆదేశించారు.