డీఎస్సీ స్పోర్ట్స్ కోటా: ఇంటర్ కాలేజీ పోటీలకు అవకాశం లేదని స్పష్టత

డీఎస్సీ స్పోర్ట్స్ కోటా నియామకాల కోసం ఈ ఏడాది జారీ చేసిన G.O. 4లో ఇంటర్ కాలేజ్ స్థాయి పోటీల్లో పాల్గొన్న లేదా పతకాలు సాధించిన అభ్యర్థులకు పరిగణన లేదని సీఎస్ఏ జయజైన్ స్పష్టం చేశారు.

కొత్త G.O. ప్రకారం రాష్ట్ర స్థాయి (ఇంటర్ డిస్ట్రిక్ట్), ఇంటర్ యూనివర్శిటీ, జాతీయ ఛాంపియన్‌షిప్, జాతీయ క్రీడలు, ఒలింపిక్స్ వంటి అత్యున్నత స్థాయి పోటీల్లో విజేతలకు మాత్రమే ప్రాధాన్యత ఇస్తున్నారు. 2012లో జారీ చేసిన పాత G.O. 74లో ఇంటర్ కాలేజ్ స్థాయి, రూరల్ స్పోర్ట్స్ టోర్నమెంట్, మహిళా క్రీడోత్సవం, స్కూల్ గేమ్స్ వంటి అనేక పార్టిసిపేషన్ అంశాలకు కూడా మార్కులు ఇచ్చారు. ఆ G.O. 2019 రిక్రూట్మెంట్‌తో సహా 2024 వరకు అమల్లో ఉండేది.

ప్రస్తుత నియామకంలో ఆచరణలో ఉన్న G.O. 4ను ఆధారంగా చేసుకుని, అంతర్జాతీయ, జాతీయ, రాష్ట్ర స్థాయి పోటీల విజేతలను మాత్రమే స్పోర్ట్స్ కోటా కింద పరిగణించనున్నట్లు తెలుస్తోంది.