హైదరాబాద్ ఐటీ కారిడార్‌లో C&D వ్యర్థాలు కొండల్లా పేరుకుపోయాయి; తొలగింపుకు రూ.100 కోట్ల ప్రణాళిక

హైదరాబాద్‌లోని గచ్చిబౌలి ఐటీ కారిడార్‌లో నిర్మాణ వ్యర్థాలు (C&D waste) భారీగా పేరుకుపోయాయి. ఈ వ్యర్థాలు కొన్ని ప్రాంతాల్లో 5-6 అంతస్తుల ఎత్తుకు చేరుకున్నాయి. 12 ఎకరాల విస్తీర్ణంలో ఇవి కొండల్లా కనిపిస్తున్నాయి.

సైబరాబాద్ మున్సిపల్ కార్పొరేషన్ (CMC) వీటి తొలగింపు కోసం రూ.100 కోట్ల ప్రణాళిక సిద్ధం చేసింది. టెండర్లు ఆహ్వానించింది. లెగసీ వేస్ట్ ను బయో మైనింగ్ ద్వారా ప్రాసెస్ చేయడంతో పాటు, C&D వ్యర్థాలను వేరు చేసి రీసైక్లింగ్‌కు పంపించాలని అధికారులు నిర్ణయించారు.

అయితే ఇదే ప్రాంతంలో అక్రమ డంపింగ్ కొనసాగుతోంది. రాత్రివేళల్లో ట్రాక్టర్లు, మినీ టిప్పర్లు వంటి వాహనాల ద్వారా నిర్మాణ వ్యర్థాలు ఇక్కడ వేస్తున్నారు. ఈ వ్యర్థాల వల్ల దుమ్ము, దుర్వాసన, ట్రాఫిక్ ఇబ్బందులు ఎదురవుతున్నాయని స్థానిక ప్రజలు, ఐటీ ఉద్యోగులు చెబుతున్నారు.

చెత్త తొలగింపుతో పాటు, అక్రమ డంపింగ్‌ను ఆపాలని స్థానికులు డిమాండ్ చేస్తున్నారు. రాత్రివేళ నిఘా కోసం సీసీ కెమెరాలు ఏర్పాటు చేసి, చెత్త వేసేవారికి భారీ జరిమానాలు విధించాలని కోరుతున్నారు.