కోదాడలో వరుస చోరీల నిందితుడు అరెస్ట్: 37 తులాల బంగారం స్వాధీనం

సూర్యాపేట జిల్లా కోదాడలో పలు చోరీల కేసుల్లో నిందితుడైన పట్నం శెట్టి రాజు అలియాస్ రాజిరెడ్డిని పోలీసులు అరెస్టు చేశారు.

నిందితుడి నుంచి 37 తులాల బంగారం, 470 గ్రాముల వెండి, ₹3,60,000 నగదు, ఒక కారును పోలీసులు స్వాధీనం చేసుకున్నారు. నిందితుడిని కోర్టులో హాజరుపరిచి రిమాండుకు తరలించారు.

ఈ ఉదయం 8 గంటల సమయంలో హుజూర్నగర్ ఫ్లైఓవర్ వద్ద జాతీయ రహదారిపై పోలీసులు వాహన తనిఖీ చేశారు. అనుమానాస్పదంగా వచ్చిన కారు ఆపకుండా వెళ్లేందుకు ప్రయత్నించగా పోలీసులు వెంబడించి పట్టుకున్నారు.

విచారణలో నిందితుడు 2021 నుంచి కోదాడ పరిధిలో 10 చోరీలు చేసినట్లు గుర్తించారు. అతను మహబూబాబాద్ జిల్లా మర్రిపేడ మండలానికి చెందినవాడు. ప్రస్తుతం హైదరాబాద్ జగద్గిరిగుట్ట పాపిరెడ్డి నగర్ కాలనీలో నివసిస్తున్నాడు. కారులో వచ్చినప్పుడు కోదాడలో సంపన్న కాలనీలను గుర్తించి చోరీలు చేసేవాడని పోలీసులు తెలిపారు.

Fingerprint Bureau ఆధారాలతో నిందితుడి ప్రమేయం తేలిందని, CCS, కోదాడ పట్టణ పోలీసులు అతనిపై నిఘా ఉంచారని అధికారులు తెలిపారు.