అర్నా తుఫాను: కాకినాడ, ఆనకాపల్లి, కోనసీమ తీర ప్రాంతాల్లో భారీ విధ్వంసం

అర్నా తుఫాను ప్రభావంతో కాకినాడ జిల్లా ఉప్పాడ తీర ప్రాంతంలో సముద్రం ఉప్పొంగి గ్రామం వరకు చొచ్చుకొచ్చింది. తీరంలోని ఇళ్లపై బండరాళ్లు పడ్డాయి. పరిసర ప్రాంతాలు అల్లకల్లోలంగా మారాయి.

ఆనకాపల్లి జిల్లాలోనూ తుఫాను తీవ్రత కనిపించింది. రాజయ్యపేట తీరంలో భారీ అలలు ఎగిసిపడ్డాయి. ఆరు బోట్లు సముద్రంలోకి కొట్టుకుపోయాయి. ఈ ఘటనపై మత్స్యకారులు ఆందోళన వ్యక్తం చేస్తున్నారు.

కోనసీమ జిల్లాలో వేలాది ఎకరాల్లో వరిపంట నీట మునిగింది. ఈదురుగాలులకు పంట నేలకొరిగింది. పెట్టుబడి కూడా తిరిగి రాదని రైతులు ఆవేదన వ్యక్తం చేస్తున్నారు. జిల్లాలో సుమారు 6,000 విద్యుత్ స్తంభాలు నేలకొరిగాయి. పలు ప్రాంతాల్లో కరెంటు కట్ ఏర్పడింది. పునరుద్ధరణ చర్యలు చేపట్టినట్లు అధికారులు తెలిపారు.

ఈ స్థాయిలో తుఫాను విధ్వంసం ఇంతకుముందు ఎప్పుడూ చూడలేదని కాకినాడ జిల్లా ప్రజలు చెప్తున్నారు. ఏం తినాలో, ఎక్కడ ఉండాలో కూడా అర్థం కావడం లేదని వారు ఆవేదన వ్యక్తం చేశారు. విద్యుత్ పునరుద్ధరణ పనులు కొనసాగుతున్నాయి.