ఉజ్జైని మహంకాళీ బోనాల ఏర్పాట్లపై డీసీపీ రక్షిత సమన్వయ సమావేశం

సికింద్రాబాద్ లోని ఉజ్జైని మహంకాళీ ఆలయంలో బోనాల రంగం రోజు ఏర్పాట్లపై డీసీపీ రక్షిత కృష్ణమూర్తి సమన్వయ సమావేశం నిర్వహించారు. ఆలయంలో భక్తులకు సాఫీగా దర్శనం లభించేలా ప్రత్యేక ఎంట్రీ లైన్లు, భద్రతా ఏర్పాట్లు చేస్తున్నట్లు ఆమె తెలిపారు.

బోనాలతో వచ్చే మహిళల కోసం రెండు లైన్లు, సాధారణ ప్రజల కోసం రెండు జనరల్ లైన్లు, పాస్ ఉన్న వారికి మరో రెండు లైన్లు ఏర్పాటు చేస్తామని ఆమె వివరించారు. జోగినీల కోసం బాట ప్రాంతం నుంచి ప్రత్యేక ఎంట్రీ ఇస్తామని, వారి కోసం ఎస్ఐ ర్యాంక్ అధికారి నేతృత్వంలో ప్రత్యేక బృందాన్ని ఏర్పాటు చేస్తున్నట్లు ఆమె చెప్పారు.

రంగం రోజు స్వర్ణలతకు ప్రత్యేక భద్రత, ప్రత్యేక రోప్ పార్టీ, సెక్యూరిటీ ఏర్పాటు చేస్తామని డీసీపీ తెలియజేశారు. ఆలయ ఈవో, కమిటీ సభ్యులతో సమావేశం నిర్వహించి ప్రసాదం కౌంటర్లు వంటి వివరాలను చర్చించామన్నారు. వీవీఐపీలు వచ్చినా సాధారణ భక్తుల క్యూ లైన్ ఆపాల్సిన పరిస్థితి ఉండదని వివరించారు.

మొత్తం నాలుగు ఎంట్రీ లైన్లు - చిత్రదర్గా, రోచా బజార్, బాట, బోనాల లైన్ ఉంటాయని, వీఐపీలకు ప్రత్యేక ఎంట్రీ ఉంటుందని తెలిపారు. భద్రత కోసం 2,500 మంది పోలీసు సిబ్బందిని నియమిస్తున్నారు. ఇందులో సివిల్ పోలీస్, ఏఆర్ ఫోర్స్, టీజీఎస్పీ ప్లాటూన్లు, షీ టీమ్స్, క్రైమ్ టీమ్స్ ఉంటాయని డీసీపీ వివరించారు.