ఢిల్లీ మోడల్ టౌన్‌లో సామూహిక వృక్షారోపణలో పాల్గొన్న సీఎం రేఖా గుప్తా

ఢిల్లీ సీఎం రేఖా గుప్తా మోడల్ టౌన్ అసెంబ్లీ నియోజకవర్గంలో జరిగిన భారీ వృక్షారోపణ కార్యక్రమంలో పాల్గొన్నారు. కేంద్ర హోం మంత్రి అమిత్ షా జూలై 7న ఈ ‘మాస్ ప్లాంటేషన్ డ్రైవ్’ ప్రారంభించగా, ఢిల్లీ ప్రభుత్వం ప్రత్యేక పోర్టల్ ద్వారా ప్రజా భాగస్వామ్యాన్ని ఆహ్వానించింది. మోడల్ టౌన్‌లో స్థానిక రెసిడెంట్ వెల్ఫేర్ అసోసియేషన్లు (RWAs), నివాసితులు స్వచ్ఛందంగా పెద్ద సంఖ్యలో టైమ్ స్లాట్లు బుక్ చేసుకుని ఈ డ్రైవ్‌లో చేరారు. సుమారు 1100 మొక్కలు నాటడం జరిగిందని సీఎం తెలిపారు. సెంట్రల్ వర్జ్, మెట్రో రైలు మార్గం కింద ఖాళీగా ఉన్న స్థలాలను గుర్తించి రెండు వైపులా మొక్కలు నాటుతున్నట్లు వివరించారు. అనంతరం సీఎం మాట్లాడుతూ, “ఢిల్లీని పరిశుభ్రంగా, పచ్చగా మార్చాలన్న లక్ష్యంతో ప్రతి ఒక్కరూ మొక్కలు నాటాలి. ఇది కేవలం ప్రభుత్వం చేసే పని కాదు, ప్రజా ఉద్యమంగా మారాలి” అని పిలుపునిచ్చారు. మాస్ ప్లాంటేషన్ డ్రైవ్ కింద నగరంలోని అనేక ప్రాంతాల్లో ఇలాంటి కార్యక్రమాలు కొనసాగుతున్నాయి. ప్రజలు పోర్టల్ ద్వారా స్థానిక స్థలాల్లో ముందస్తు రిజిస్ట్రేషన్ చేసుకుని వృక్షారోపణలో భాగం కావచ్చు. పర్యావరణ మెరుగుదలే ఈ ఉద్యమ లక్ష్యమని అధికారులు పేర్కొంటున్నారు.