ఢిల్లీ మాల్వియా నగర్ రెస్టారెంట్ అగ్నిప్రమాదం: 21 మంది మృతి, ఫోరెన్సిక్ పరిశీలన

ఢిల్లీలోని మాల్వియా నగర్‌లోని లెవల్ గ్రీన్ రెస్టారెంట్‌లో ఈ ఉదయం భారీ అగ్నిప్రమాదం సంభవించింది. ఈ ఘటనలో 21 మంది ప్రాణాలు కోల్పోగా, 18 మందికి పైగా గాయపడ్డారు. గాయపడిన వారిని స్థానికులు మొదట మాక్స్ హాస్పిటల్‌కు తరలించారు. తీవ్రమైన కాలిన గాయాలతో ఒకరిని సఫ్దర్‌జంగ్ ఆసుపత్రికి తరలించినట్లు సమాచారం.

ఘటనా స్థలానికి ఫోరెన్సిక్ బృందం వచ్చి సాక్ష్యాలు సేకరిస్తోంది. అగ్నిప్రమాదానికి గల కారణంపై వివిధ అనుమానాలు వ్యక్తమవుతున్నాయి. ప్రాథమిక నివేదికల ప్రకారం సిలిండర్ పేలుడు లేదా విద్యుత్ షార్ట్ సర్క్యూట్ కారణంగా మంటలు వ్యాపించి ఉండవచ్చు. ఈ రెస్టారెంట్ యజమానులు వంటగదిలో పలు సిలిండర్లను దగ్గరగా ఉంచడం వల్ల పేలుడు తీవ్రమైందని స్థానికులు చెబుతున్నారు.

ఎన్డీఆర్ఎఫ్, దిల్లీ పోలీసులు, దిల్లీ అగ్నిమాపక సిబ్బంది భారీగా మోహరించారు. సంఘటనా స్థలం చుట్టూ బారికేడ్లు ఏర్పాటు చేసి స్థానికులను ఖాళీ చేయించారు. మీడియాను లోపలికి అనుమతించట్లేదు. దిల్లీ పోలీసులు బీఎన్ఎస్‌లోని కల్పబుల్ హోమిసైడ్ (దోషపూరిత హత్య) సెక్షన్ తో పాటు పలు సెక్షన్ల కింద ఎఫ్ఐఆర్ నమోదు చేశారు. రెస్టారెంట్ యజమానిని విచారించే అవకాశం ఉంది. ఫోరెన్సిక్ బృందం ఆధారాలు సేకరిస్తున్న క్రమంలో విచారణ కొనసాగుతోంది.