ఢిల్లీ ముకుందపూర్‌లో సిలిండర్ బ్లాస్ట్‌తో భవనం కూలి 6-7 మందికి గాయాలు

ఢిల్లీలోని ముకుందపూర్ ప్రాంతంలో ఎల్పీజీ సిలిండర్ పేలుడు ధాటికి ఒక భవనం కూలిపోయింది. ఈ ప్రమాదంలో 6-7 మంది గాయపడినట్లు అధికారులు తెలిపారు.

గాయపడిన వారిని సమీపంలోని ఆస్పత్రికి తరలించారు. ఘటనా స్థలంలో రెస్క్యూ చర్యలు కొనసాగుతున్నాయి. ప్రమాదం జరిగిన భవనంలో దాదాపు 50 సిలిండర్లు ఉన్నట్లు గుర్తించామని పోలీసులు చెప్పారు.

ఇక్కడ అక్రమంగా సిలిండర్లు నిల్వ చేసి విక్రయిస్తున్నట్లు స్థానికులు ఆరోపిస్తున్నారు. ఈ విషయమై పలుమార్లు FSO కి ఫిర్యాదు చేసినా చర్యలు తీసుకోలేదని వారు ఆవేదన వ్యక్తం చేశారు.

కొందరు స్థానికులు బీజేపీ నేతల ప్రమేయం ఉన్నట్లు ఆరోపించారు. ఈ ఆరోపణలపై ధృవీకరణ లేదు. అలాగే, ఈ ఘటనలో 13 మంది మృతి చెందినట్లు కొన్ని మీడియా సంస్థలు ప్రచురించిన వార్తలు అవాస్తవమని పోలీసు అధికారులు స్పష్టం చేశారు.