షాడో ఫ్యాక్స్ ఆఫీసులో ₹2.65 లక్షల చోరీ: డెలివరీ బాయే నిందితుడిగా అరెస్ట్

మెదక్ జిల్లా నర్సాపూర్ లోని షాడో ఫ్యాక్స్ డెలివరీ సంస్థలో జరిగిన రూ.2.65 లక్షల నగదు చోరీ కేసులో పోలీసులు ఇద్దరు నిందితులను అరెస్ట్ చేశారు.

నిందితుల్లో ఒకరైన శ్రీధర్ అదే ఆఫీసులో డెలివరీ బాయ్‌గా పనిచేస్తున్నాడు. Amazon, Flipkart వంటి సంస్థల క్యాష్ ఆన్ డెలివరీ ద్వారా వసూలు చేసిన నగదును ఆఫీస్ లాకర్‌లో భద్రపరిచే విధానాన్ని గమనించిన శ్రీధర్, తన స్నేహితుడికి సమాచారం ఇచ్చి రాత్రి వేళ చోరీకి పాల్పడ్డాడు.

సంస్థ ప్రతినిధుల ఫిర్యాదుతో పోలీసులు సీసీటీవీ ఫుటేజ్ ఆధారంగా దర్యాప్తు చేపట్టారు. ఇద్దరు నిందితులను అదుపులోకి తీసుకుని, వారి నుంచి పూర్తి నగదు ₹2.65 లక్షలను స్వాధీనం చేసుకున్నారు. నిందితులను కోర్టులో ప్రవేశపెట్టనున్నట్లు పోలీసులు తెలిపారు.