డిస్ట్రిబ్యూషన్ అంటే హిట్ సినిమాను పట్టుకోవడమే: నిర్మాత దిల్ రాజు

డిస్ట్రిబ్యూషన్ అంటే కేవలం డబ్బు పెట్టడం కాదు. హిట్ సినిమాను పట్టుకోవడమే డిస్ట్రిబ్యూషన్ గేమ్ అని నిర్మాత దిల్ రాజు అన్నారు.

ఏ సినిమాను ఎవరు పిక్ చేసుకుంటారనే దానిపైనే దాని ఫలితం ఆధారపడి ఉంటుందని ఆయన చెప్పారు. Mythri ఒక పెద్ద ప్రొడక్షన్ హౌస్ అని, ఇప్పుడు డిస్ట్రిబ్యూషన్ లో కూడా వాళ్లే చాలా ముందుంటున్నారని దిల్ రాజు తెలిపారు.

30 ఏళ్ల కెరీర్ లో తాను చాలా రిస్కులు తీసుకున్నానని ఆయన అన్నారు. ఇప్పుడు ఎంత రిస్క్ తీసుకోవాలి, రిస్క్ తీసుకుంటే దానిపై లాభం వస్తుందా అనేది లెక్కించి నిర్ణయం తీసుకుంటానని చెప్పారు.

ఈ వ్యాపారంలో ఎవరూ డబ్బులు పోగొట్టుకోవాలని కోరుకోరని దిల్ రాజు అన్నారు. అందుకే అందరూ లెక్కలు వేసుకునే నిర్ణయాలు తీసుకుంటారని, కొన్నిసార్లు ఫలితం అటూ ఇటూ ఉంటుందని ఆయన తెలిపారు.