NCERT తమన్నా ఆప్టిట్యూడ్ టెస్ట్: 9, 10వ తరగతి విద్యార్థులకు అవకాశం

కేంద్ర విద్యాశాఖ పరిధిలోని NCERT 9, 10వ తరగతి విద్యార్థుల కోసం తమన్నా ఆప్టిట్యూడ్ టెస్ట్‌ను అందుబాటులోకి తెచ్చింది. ఈ పరీక్షను ఆన్‌లైన్‌లో నిర్వహిస్తారు.

ఈ పరీక్ష పూర్తి పేరు 'ట్రై అండ్ మెజర్ ఆప్టిట్యూడ్ అండ్ నేచురల్ అబిలిటీస్' (TAMANNA). విద్యార్థులు తమ భవిష్యత్ చదువులు, కెరీర్ మార్గాలను ఎంచుకునేందుకు ఈ పరీక్ష ఉపయోగపడుతుంది.

తమన్నా టెస్ట్‌పై విద్యార్థులకు అవగాహన కల్పించాలని NCERT డైరెక్టర్ రమేష్ జిల్లా విద్యాధికారులకు (DEO) ఉత్తర్వులు జారీ చేశారు. పరీక్ష రాసేలా విద్యార్థులను ప్రోత్సహించాలని కూడా ఆదేశించారు.

జిల్లాలోని అన్ని హై స్కూళ్ల హెచ్ఎంలు, టీచర్లు ఈ సమాచారాన్ని 9, 10వ తరగతి విద్యార్థులకు చేరవేయాలి. ఆన్‌లైన్ పరీక్ష రాసేందుకు కావాల్సిన మార్గదర్శకం అందించాలని సూచించారు.

ఆసక్తి ఉన్న విద్యార్థులు వెబ్‌సైట్‌లో పరీక్ష రాయవచ్చని తెలిపారు. పరీక్షకు సంబంధించిన వివరాలు అదే వెబ్‌సైట్‌లో అందుబాటులో ఉన్నాయి.