హైదరాబుడులో దీపావళి టపాసుల మార్కెట్ ప్రారంభం: ఆపరేషన్ సింధూర్ పేరుతో కొత్త క్రాకర్స్

హైదరాబాద్‌లో దీపావళి టపాసుల దుకాణాలు తెరుచుకున్నాయి. మలక్‌పేటలోని ఒక స్టోర్‌లో రకరకాల టపాసులు అమ్మకానికి వచ్చాయి. పిల్లల నుంచి పెద్దల వరకు అందరికీ నచ్చే ఐటెమ్స్ ఇందులో ఉన్నాయి.

ఈసారి కొత్తగా 'ఆపరేషన్ సింధూర్' పేరుతో పెద్ద టపాసుల బాక్స్‌ను విక్రయిస్తున్నారు. ఇటీవలి సైనిక చర్యల నేపథ్యాన్ని ప్రతిబింబించేలా ఇలాంటి ఫ్యాన్సీ టపాసులు తీసుకొచ్చినట్లు దుకాణ నిర్వాహకులు చెప్తున్నారు.

ధరలపై నిర్వాహకులు స్పందిస్తూ అన్ని ఐటెమ్స్ రీజనబుల్ రేట్లకే అమ్ముతున్నామని తెలిపారు. ఎక్కువ ధరలు వేయడం లేదని వారు చెప్పారు. 30, 120, 240 షాట్ల బాక్సులు కూడా అందుబాటులో ఉన్నాయి.

పిల్లల కోసం కార్టూన్ డిజైన్లు, బటర్‌ఫ్లై, చిన్న గన్‌లు, ఫ్లవర్ పాట్స్, చిన్న బాంబులు వంటి ఐటెమ్స్ ఉన్నాయి. పర్యావరణ హితమైన గ్రీన్ క్రాకర్స్ కూడా మార్కెట్‌లో ఉన్నాయి. దేశీయంగా తయారైన టపాసులనే ఎక్కువగా అమ్ముతున్నట్లు నిర్వాహకులు తెలిపారు.

నగరంలోని ప్రధాన కూడళ్లు, మాల్స్, ఫంక్షన్ హాళ్లలో టపాసుల స్టాళ్లు ఏర్పాటు చేశారు. షాపుల సంఖ్య పెరగడంతో ఈసారి పోటీ ఎక్కువగా ఉంది. గత సంవత్సరాలతో పోలిస్తే బిజినెస్ పెరుగుతుందని నిర్వాహకులు ఆశిస్తున్నారు.