ద్రాక్షరామం కూరగాయల మార్కెట్లో భారీ అగ్ని ప్రమాదం; 40 పైగా షాపులు దగ్దం

తూర్పు గోదావరి జిల్లా ద్రాక్షరామంలోని కూరగాయల మార్కెట్లో భారీ అగ్ని ప్రమాదం జరిగింది. ఈ ప్రమాదంలో 40కి పైగా షాపులు పూర్తిగా దగ్దమయ్యాయి.

స్థానిక YSR కాంగ్రెస్ నాయకుడు పిల్లి సుభాష్ చంద్రబోస్ బాధితులను పరామర్శించారు. ఆయన మాట్లాడుతూ, దాదాపు 50 షాపులు దగ్దమైనట్లు అంచనా వేసినట్లు తెలిపారు. మార్కెట్లో ప్రతి షాపు నుంచి 8 నుంచి 10 మంది జీవనం సాగించేవారని, చిన్న వ్యాపారులు ఆధారపడతారని ఆయన చెప్పారు.

ప్రమాదంపై జిల్లా కలెక్టర్ తక్షణం స్పందించి, బాధితులకు సహాయం అందించాలని ఆయన కోరారు. YSR కాంగ్రెస్ పార్టీ తరపున బాధితులకు ప్రగాఢ సానుభూతి తెలిపారు. ప్రమాదానికి గల కారణాలు ఇంకా తెలియరాలేదు.