గాజువాకలో మద్యం తాగి బస్సు నడిపిన డ్రైవర్ పోలీసులకు పట్టుబడ్డాడు

విశాఖపట్నం జిల్లా గాజువాకలో గురువారం ఉదయం ట్రాఫిక్ పోలీసులు తనిఖీల్లో ఒక బస్సు డ్రైవర్ మద్యం సేవించినట్లు గుర్తించారు.

పోలీసులు తెలిపిన వివరాల ప్రకారం, వెంకట్రావ్ అనే డ్రైవర్ విజయవాడ వెళ్తున్న ఓ ప్రైవేట్ ట్రావెల్స్ బస్సును నడుపుతూ ఆపివేయగా, అతని శ్వాసలో మద్యం ఉన్నట్లు బ్రీత్ ఎనలైజర్ టెస్ట్ లో 250 పాయింట్లు నమోదయ్యాయి. బస్సులో 26 మంది ప్రయాణికులు ఉన్నారు.

డ్రంక్ అండ్ డ్రైవ్ కేసు నమోదు చేసిన పోలీసులు, ప్రయాణికుల భద్రత కోసం వేరే డ్రైవర్ ని పిలిపించి బస్సును విజయవాడకు పంపించారు. ప్రయాణికులు ఈ సంఘటనను ప్రమాదకరంగా అభివర్ణించారు. డ్రైవర్ ను కోర్టులో హాజరు పరుస్తామని పోలీసులు తెలిపారు.