తంబళ్లపల్లెలో సాధుకొండ మైనింగ్‌కు వ్యతిరేకంగా YSRCP ఎమ్మెల్యే ద్వారకానాథ్ రెడ్డి నేతృత్వంలో భారీ ర్యాలీ

అన్నమయ్య జిల్లా తంబళ్లపల్లె నియోజకవర్గంలో సాధుకొండ మైనింగ్‌కు వ్యతిరేకంగా YSRCP ఎమ్మెల్యే పెద్దిరెడ్డి ద్వారకానాథ్ రెడ్డి నేతృత్వంలో భారీ ర్యాలీ జరిగింది. మల్లయ్యకొండ నుండి ప్రారంభమైన ఈ ర్యాలీలో దాదాపు 300 కార్లు పాల్గొన్నాయి.

ఈ ర్యాలీ పెద్దమండ్యం, ఒండ్రేవు, కలిచర్ల తదితర గ్రామాల మీదుగా సుమారు 60 కిలోమీటర్ల మేర కొనసాగింది. ర్యాలీ ప్రారంభానికి ముందు ఎమ్మెల్యే ద్వారకానాథ్ రెడ్డి మల్లయ్యకొండ ఆలయాన్ని సందర్శించారు. గత కొన్ని నెలలుగా ఈ నిరసన కార్యక్రమాన్ని YSRCP ప్లాన్ చేసింది.

ఈ సందర్భంగా ఎమ్మెల్యే మాట్లాడుతూ, మల్లయ్యకొండ పవిత్రమైన ప్రదేశమని, ఇక్కడ ఎలాంటి మైనింగ్‌కు అనుమతించబోమని తెలిపారు. అన్ని రాజకీయ పార్టీలు పార్టీలకు అతీతంగా ఈ మైనింగ్‌ను అడ్డుకోవాలని ఆయన పిలుపునిచ్చారు.

ఇదే సమయంలో మధ్యాహ్నం TDP నేతలు కూడా మల్లయ్యకొండకు చేరుకోనున్నట్లు సమాచారం. దీంతో ఈ మైనింగ్ వ్యవహారం రాజకీయంగా ఆసక్తికరంగా మారింది.