హైదరాబాద్‌లో ఈనాడు సిరి ఇన్వెస్టర్ క్లబ్-మిరాయి అసెట్ MF అవగాహన కార్యక్రమం

హైదరాబాద్‌లో ఈనాడు సిరి ఇన్వెస్టర్ క్లబ్, మిరాయి అసెట్ ఎంఎఫ్ మంత్ర సంయుక్తంగా పెట్టుబడిదారుల అవగాహన సదస్సును నిర్వహించాయి. ఈ కార్యక్రమం సెబి (SEBI) గుర్తింపు పొందిన అవేర్నెస్ ప్రోగ్రాం.

సదస్సులో మిరాయి అసెట్ ఎంఎఫ్ మంత్ర సౌత్ ఇండియా హెడ్ కృష్ణ చైతన్యతో పాటు పలువురు ఆర్థిక నిపుణులు పాల్గొన్నారు. మ్యూచువల్ ఫండ్స్ ప్రాథమిక అంశాలు, రిటైర్‌మెంట్ ప్లానింగ్, లక్ష్య సాధనకు పెట్టుబడుల ప్రణాళిక వంటి విషయాలపై నిపుణులు వివరించారు.

ప్రస్తుత మార్కెట్ పరిస్థితుల్లో క్రమానుగుణ పెట్టుబడుల (SIP) ప్రాముఖ్యతను తెలియజేస్తూ, చిన్న మొత్తాలతోనూ ఆర్థిక స్థిరత్వం సాధించవచ్చని సూచించారు. ఇన్వెస్ట్‌మెంట్స్ ఎప్పుడు ఎలా ప్రారంభించాలి, వ్యక్తిగత లక్ష్యాలకు అనుగుణంగా ఫైనాన్షియల్ ప్లానింగ్ ఎలా చేయాలనే అంశాలు చర్చించారు.

పాల్గొన్నవారి సందేహాలకు నిపుణులు సమాధానాలు ఇచ్చారు. మ్యూచువల్ ఫండ్స్ గురించి ప్రాథమిక అవగాహన పెంచడమే ఈ కార్యక్రమ లక్ష్యమని నిర్వాహకులు తెలిపారు.