కడపలో ఎనిమిది కోవిడ్ కేసులు: ఇద్దరు మృతి, ఆరుగురు కోలుకున్నారు

కడప జిల్లాలో గత కొద్ది రోజుల్లో ఎనిమిది మందికి కోవిడ్ పాజిటివ్ నిర్ధారణ అయింది. ఇద్దరు మృతి చెందగా, ఆరుగురు పూర్తిగా కోలుకున్నారు.

రిమ్స్ సూపరింటెండెంట్ డాక్టర్ పెంచలయ్య వివరాల ప్రకారం, మృతి చెందిన ఇద్దరూ 70 ఏళ్లు పైబడిన వారు. ఒకరు నిమోనియా, సెప్సిస్ సమస్యలతో వేలూరు సిఎంసిలో చికిత్స పొందుతూ మరణించారు. మరొకరు కిడ్నీ సమస్య, బీపీ, షుగర్ వంటి దీర్ఘకాలిక వ్యాధులతో బాధపడుతూ తిరుపతిలో చనిపోయారు. కోవిడ్ కంటే ఈ ఇతర వ్యాధుల తీవ్రతే మరణానికి కారణమని డాక్టర్ పెంచలయ్య తెలిపారు.

ప్రస్తుతం రిమ్స్ ఆసుపత్రిలో ఇద్దరు కోవిడ్ రోగులు చికిత్స పొందుతున్నారు. వారిద్దరూ పెద్ద వయసు వారే అయినా, ఆరోగ్యంగా కోలుకుంటున్నారు. త్వరలో వారిని డిశ్చార్జ్ చేయాలని యోచిస్తున్నట్లు ఆయన చెప్పారు. జలుబు, జ్వరం, దగ్గు, గొంతు నొప్పి వంటి లక్షణాలు ఉన్న వారు కోవిడ్ పరీక్ష చేయించుకోవాలని సూచించారు. ప్రజలు భయపడాల్సిన అవసరం లేదని, అప్రమత్తంగా ఉండటమే ముఖ్యమని డాక్టర్ పెంచలయ్య స్పష్టం చేశారు.

వైరస్ స్వరూపాన్ని తెలుసుకోవడానికి కొన్ని నమూనాలను జీనోమ్ సీక్వెన్సింగ్ కోసం పూణే ల్యాబ్కు పంపించామని, నివేదికల కోసం ఎదురుచూస్తున్నామని ఆయన తెలిపారు.