అమ్మవారు కలలో చెప్పడంతో ఏలూరు గణాచార్యులు గోల్కొండలో బోనాలు సమర్పించారు

గోల్కొండ జగదాంబిక మహంకాళీ అమ్మవారు కలలో కనిపించారు. చీర, మెట్టెలు, బోనం సమర్పించాలని ఆమె కోరారు. దీంతో ఏలూరుకు చెందిన ఒక భక్తుడు తొలిసారి గోల్కొండకు వచ్చి బోనాలు సమర్పించారు.

14 ఏళ్లుగా సొంత ఇంటి వద్దే బోనాలు సమర్పిస్తున్న ఆయన, మంగళవారం రాత్రి అమ్మవారు స్వప్నంలో కనిపించి ఆదేశించినట్లు తెలిపారు.

ఏలూరు గణాచార్యుల బృందంతో కలిసి ఆయన గోల్కొండ చేరుకున్నారు. తమ ఊరి సంప్రదాయమైన సద్దు ఉపారం, పంచామృతాలు నైవేద్యంగా సమర్పించారు. కొబ్బరికాయతో అఖండ దీపం వెలిగించారు.

గోల్కొండ కోటలో ఆషాఢ మాసం బోనాలు ఉత్సవం ఘనంగా జరుగుతోంది. తెలంగాణ, ఆంధ్రప్రదేశ్ నుంచి భక్తులు పెద్దసంఖ్యలో పాల్గొంటున్నారు.