ఉద్యోగి మరణిస్తే PF డబ్బు నామినీకా? కుటుంబ పెన్షన్ ఎవరికి? నిబంధనల వివరాలు

ఉద్యోగి మరణం తర్వాత PF ఖాతాలోని డబ్బు నామినీకి చెల్లిస్తారు. కానీ, కుటుంబ పెన్షన్ మాత్రం ఆ ఉద్యోగి భార్యకు, పిల్లలకు లభిస్తుంది. ఈ విషయంలో చాలామందికి పూర్తి అవగాహన లేదు.

EPFO నియమాల ప్రకారం ఉద్యోగి నామినీగా సోదరుడిని లేదా స్నేహితుడిని పెట్టినా, కుటుంబ పెన్షన్ జీవిత భాగస్వామికి, పిల్లలకే దక్కుతుంది. వివాహం కాని ఉద్యోగి చనిపోతే మొదట తండ్రికి, తండ్రి లేని పక్షంలో తల్లికి పెన్షన్ అందుతుంది.

అదనంగా, ఉద్యోగి మరణం తర్వాత EDLI (ఉద్యోగుల డిపాజిట్ లింక్డ్ ఇన్షూరెన్స్) కింద లక్షల రూపాయల బీమా సౌకర్యం అందుబాటులో ఉంది. ఈ విషయం తెలియని చాలా మంది క్లెయిమ్ చేయకుండా వదిలేస్తున్నారు.

తక్కువ కాలం పనిచేసి ఉద్యోగంలో ఉండగా మరణించినా కూడా కుటుంబ సభ్యులు EPS పథకం కింద పెన్షన్ పొందే అవకాశం ఉంటుంది. అందువలన ప్రతి ఉద్యోగి తమ EPF ఖాతాలో నామినీ వివరాలు సరిచూసుకోవాలని EPFO ప్రతినిధులు సూచిస్తున్నారు.