జ్యేష్ఠ పౌర్ణమి నాడు ఏరువాక పున్నమి: వ్యవసాయం ప్రారంభం, మహిళలు వటసావిత్రి వ్రతం

జ్యేష్ఠ మాసంలో వచ్చే పౌర్ణమిని ఏరువాక పున్నమిగా వ్యవసాయదారులు జరుపుకుంటారు. ఈ రోజున పొలం పనులు ప్రారంభిస్తారు. హలకర్మను మొదలుపెడతారు.

అదే రోజున మహిళలు వటసావిత్రి వ్రతం చేస్తారు. మర్రి చెట్టు దగ్గర శుభ్రం చేసి, బియ్యపిండి ముగ్గు వేసి, పసుపు, కుంకుమ, అక్షింతలు పుష్పాలు ఉంచుతారు.

పూజ ప్రారంభంలో సంకల్పం చెప్పుకోవాలి. "మమ వైధవ్యాది సకల దోష పరిహారార్థం బ్రహ్మ సావిత్రి ప్రీత్యర్థం సత్యవత్ సావిత్రి ప్రీత్యర్థంచ వటసావిత్రి వ్రతం అహంకరిష్యే" అనే మంత్రం ఉచ్చరిస్తారు. దీని అర్థం వైధవ్య దోషాలు, ఇతర దోషాలు పోగొట్టుకోవడానికి బ్రహ్మ, సావిత్రీదేవి, సత్యవంతుల అనుగ్రహం కోసం చేస్తున్నట్టు.

సంకల్పం తర్వాత మర్రి చెట్టుకు దీపం పెట్టి, పసుపు దారం కట్టి, ప్రదక్షణలు చేస్తారు. ప్రతి ప్రదక్షణలో "నమో వైవస్వతాయ" (యమధర్మరాజును స్మరిస్తూ), "ఓం వటసావిత్రయై నమః" (మర్రి చెట్టుపై సావిత్రీ దేవిని స్మరిస్తూ) చదువుతారు.

మర్రి చెట్టు దగ్గర లేని వారు లేదా వ్రతం చేయలేని వారు జ్యేష్ఠ పౌర్ణమి రోజు తిలలు, పత్తి, గొడుగు/చెప్పులు, అన్నదానం, వస్త్రదానం వంటివి ఇస్తే సమాన ఫలితం లభిస్తుందని పండితులు సూచిస్తున్నారు. ఏరువాక పున్నమితో రైతులకు కొత్త సీజన్, మహిళలకు సౌభాగ్య వ్రతం ఒకే రోజు నిర్వహించడం ఆనవాయతీ.