ఏపీలోని కావేరి యూనివర్సిటీలో వ్యవసాయ యంత్రాల నైపుణ్య శిక్షణ కేంద్రం

కావేరి యూనివర్సిటీలోని స్కూల్ ఆఫ్ ఇంజనీరింగ్ అండ్ టెక్నాలజీ క్యాంపస్‌లో ఫార్మ్ మెషినరీ స్కిల్స్ ట్రైనింగ్ సెంటర్ ఏర్పాటు చేశారు. ఇక్కడ అగ్రికల్చర్ విద్యార్థులకు ట్రాక్టర్ డిస్మాంటిలింగ్, అసెంబ్లింగ్ నుంచి డ్రైవింగ్, రిపేర్లు, మెయింటెనెన్స్ వరకు ప్రాక్టికల్ నైపుణ్యాలు నేర్పిస్తున్నారు.

సీనియర్ ఇన్స్ట్రక్టర్ మారన్ తెలిపిన వివరాల ప్రకారం, విద్యార్థులు ట్రాక్టర్‌ను పూర్తిగా డిస్మాంటిల్ చేసి తిరిగి అసెంబుల్ చేయడం నేర్చుకుంటారు. అలాగే, వివిధ ఇంప్లిమెంట్లతో ట్రాక్టర్ నడపడం, సరైన గేర్ ఎంచుకోవడం, మరమ్మత్తులు, నిర్వహణ పద్ధతులు శిక్షణలో భాగంగా ఉంటాయి.

ఇంజన్ విభాగంలో కూలింగ్, వైరింగ్, లూబ్రికేషన్ వంటి ముఖ్యమైన సిస్టమ్‌లను విద్యార్థులు డిస్మాంటిల్ చేసి అర్థం చేసుకుంటారు. భవిష్యత్తులో ఇంజన్ సమస్య ఎదురైతే ఆ సిస్టమ్‌ను సులువుగా గుర్తించేందుకు ఈ శిక్షణ ఉపయోగపడుతుంది. హైడ్రాలిక్స్, ట్రాన్స్‌మిషన్ కట్ సెక్షన్ మోడల్స్ ద్వారా విద్యార్థులు క్లచ్, ఫ్లైవీల్ పనితీరును ప్రత్యక్షంగా పరిశీలిస్తారు.

వ్యవసాయ విద్యార్థులకు ఈ సాంకేతిక నైపుణ్యం భవిష్యత్తులో ఆత్మవిశ్వాసాన్ని పెంపొందిస్తుందని ఇన్స్ట్రక్టర్ మారన్ అభిప్రాయపడ్డారు.