చౌటుప్పల్‌లో రైతు హత్య.. భార్యను అదుపులోకి తీసుకున్న పోలీసులు

యాదాద్రి భువనగిరి జిల్లా చౌటుప్పల్ మండలం పంతంగి శివారులో రాపోలు దానయ్య అనే రైతు హత్యకు గురయ్యారు. ఆయన అంకిరెడ్డి గూడెం గ్రామానికి చెందిన వారు. పంతంగి సమీపంలోని చెనగల గుట్ట వద్ద కౌలు వ్యవసాయ భూమిలో సాగు చేస్తున్నారు.

పోలీసుల కథనం ప్రకారం, దానయ్య భార్య శారదతో కలిసి పొలం పనులకు వెళ్లారు. శారద ఒకచోట పని చేస్తుండగా, మరోచోట గుర్తు తెలియని వ్యక్తులు దానయ్యను వెంబడించి కత్తులతో పొడిచారు. ఆయన అక్కడే మృతి చెందారు.

దానయ్య, శారదల మధ్య కొంతకాలంగా గొడవలు జరుగుతున్నట్లు పోలీసులు గుర్తించారు. శారదే హత్య చేయించిందని బంధువులు ఆరోపించారు. అనుమానంతో పోలీసులు శారదను అదుపులోకి తీసుకుని ప్రశ్నిస్తున్నారు. ఈ ఘటనపై దర్యాప్తు కొనసాగుతోంది.