ఖమ్మం వృద్ధాశ్రమంలో 300 గ్రానైట్ విగ్రహాలు

ఖమ్మం జిల్లాలోని జీవన సంధ్య వృద్ధాశ్రమంలో 300 గ్రానైట్ విగ్రహాలను ఏర్పాటు చేశారు.

గ్రానైట్ వ్యాపారి, ఈ ఆశ్రమ నిర్వాహకుడు అయిన సమతా శ్రీధర్ ఈ విగ్రహాలను చెక్కారు. వీటిలో స్వతంత్ర సమరయోధులు, కమ్యూనిస్టు నాయకులు, శాస్త్రవేత్తలు, దేశానికి సేవ చేసిన వారి విగ్రహాలు ఉన్నాయి.

ప్రతి విగ్రహం కింద ఆ వ్యక్తి పేరు, ఆయన చేసిన పనుల వివరాలు రాశారు. మొదట గాంధీ విగ్రహాన్ని చెక్కడానికి ఒక వారం రోజులు పట్టిందని సమతా శ్రీధర్ తెలిపారు. దాన్ని స్నేహితులకు చూపించాక ప్రోత్సాహం లభించిందని ఆయన చెప్పారు.

ఈ ఆశ్రమంలో 60 మంది వృద్ధులు ఉంటున్నారు. చుట్టుపక్కల స్కూళ్లు, కాలేజీల విద్యార్థులు ఈ విగ్రహాలను చూసేందుకు వస్తుంటారు. వారిని చూసి ఆశ్రమంలోని వృద్ధులు మానసికంగా ఉపశమనం పొందుతారని నిర్వాహకులు తెలిపారు.