IT ఉద్యోగుల భద్రతకు ప్రాధాన్యత: సైబరాబాద్ సీపీ రమేష్ రెడ్డి

సైబరాబాద్ పోలీసులు IT ఉద్యోగులు, నిపుణుల భద్రతకు ఎప్పుడూ ప్రాధాన్యత ఇస్తారని సైబరాబాద్ పోలీస్ కమిషనర్ రమేష్ రెడ్డి చెప్పారు.

సొసైటీ ఫర్ సైబరాబాద్ సెక్యూరిటీ కౌన్సిల్ (SCSC) 20 ఏళ్ల వార్షికోత్సవం హైదరాబాద్ మాదాపూర్‌లోని ఒక హోటల్‌లో జరిగింది. ఈ కార్యక్రమానికి పారిశ్రామికవేత్తలు, సీనియర్ IPS అధికారులు, భద్రతా నిపుణులు హాజరయ్యారు.

ఈ సంస్థ రెండు దశాబ్దాలుగా పోలీసులకు సహకారం అందిస్తోందని సీపీ అన్నారు. పబ్లిక్-ప్రైవేట్ భాగస్వామ్యాన్ని బలోపేతం చేయడంలో SCSC పాత్ర గుర్తించాల్సిందని చెప్పారు.

కోవిడ్ సమయంలో వ్యాపారాలకు అంతరాయం లేకుండా SCSC సహకరించిందని ఆయన వివరించారు. తెలంగాణ ఉద్యమం సమయంలో బందులు జరిగినప్పుడు ప్రత్యేక బస్సులు ఏర్పాటు చేసి ఉద్యోగులు సకాలంలో ఆఫీసులకు చేరేలా సంస్థ సహాయం చేసిందని గుర్తు చేశారు. ఇంత పెద్ద సంస్థకు సమానమైన మరో సంస్థ ఎక్కడా ఏర్పడలేదని కూడా ఆయన అన్నారు.