విశ్వనాథ్ అండ్ సన్స్ సినిమా విడుదల నేపథ్యంలో నాగవంశీ తిరుమల శ్రీవారిని దర్శించుకున్నారు

తిరుమల శ్రీవారిని సినీ నిర్మాత నాగవంశీ దర్శించుకున్నారు. వీఐపీ ప్రారంభ విరామ దర్శన సమయంలో ఆయన స్వామివారి సేవలో పాల్గొన్నారు. అనంతరం రంగనాయకుల మండపంలో పండితులు ఆశీర్వచనం చేసి, తీర్థ ప్రసాదాలు అందజేశారు.

ఈ సందర్భంగా నాగవంశీ మాట్లాడుతూ, ఆగస్ట్ 14న విడుదల కానున్న 'విశ్వనాథ్ అండ్ సన్స్' సినిమా కోసం శ్రీవారి ఆశీస్సులు కోరడానికి తిరుమలకు వచ్చినట్లు తెలిపారు. సూర్య నటించిన ఈ చిత్రం కుటుంబ సమేతంగా చూడదగిన కుటుంబ కథాచిత్రం అని, తెలుగు, తమిళ భాషల్లో గ్రాండ్‌గా విడుదలవుతుందని చెప్పారు.

ప్రేక్షకులు ఈ చిత్రాన్ని ఆదరిస్తారని తాము నమ్ముతున్నామని, చిత్రం చూసిన తర్వాత 'మంచి సినిమా చూశాం' అనే భావన కలుగుతుందని నాగవంశీ ధీమా వ్యక్తం చేశారు.