కేరళలో చేపల బోటు బోల్తా; మత్స్యకారుల ఆచూకి లేదు

కేరళ రాష్ట్రం మలప్పురం జిల్లా పరపనంగడి హార్బర్ సమీపంలో తగ్బీర్ అనే చేపల బోటు బోల్తా పడింది.

చేపల వేటకు వెళ్లిన ఈ బోటు ఒకేసారి వీచిన బలమైన గాలులు, భారీ వర్షం కారణంగా సముద్రపు అలలకు కొట్టుకుపోయింది. బోటులో ఉన్న మత్స్యకారుల ఆచూకి ఇంకా తెలియలేదు.

కోస్ట్ గార్డ్ సిబ్బంది, స్థానిక మత్స్యకారులు, ఇతర అధికారులు కలిసి ప్రాణాలకు తెగించి సహాయక చర్యలు చేపట్టారు. బోటులో ఎంత మంది ఉన్నారు, వారి పరిస్థితి ఏమిటి అనే వివరాలు సేకరిస్తున్నారు. అందరినీ రక్షించే వరకు ఆపరేషన్ కొనసాగుతుందని అధికారులు తెలిపారు.