అమెరికా కోర్టులో గౌతమ్ అదానీపై క్రిమినల్ కేసు కొట్టివేత

గౌతమ్ అదానీ, ఆయన మేనల్లుడు సాగర్ అదానీ, మాజీ CEO వినీత్ జైన్లపై అమెరికాలో నమోదైన క్రిమినల్ కేసును న్యూయార్క్ కోర్టు కొట్టివేసింది.

భారత ప్రభుత్వ అధికారులకు లంచం ఇచ్చి సౌర విద్యుత్ కాంట్రాక్టులు దక్కించుకున్నారన్న ఆరోపణలపై ఈ కేసు నమోదైంది. 250 మిలియన్ డాలర్లను అమెరికా పెట్టుబడిదారుల నుంచి సేకరించినట్లు ఆరోపించారు.

తగిన ఆధారాలు లేకపోవడం, ఇది భారత్‌కు సంబంధించిన అంశం కావడంతో కేసు ఉపసంహరణకు అమెరికా న్యాయశాఖ చేసిన విజ్ఞప్తిని కోర్టు ఆమోదించింది. ఈ నిర్ణయాన్ని గౌతమ్ అదానీ స్వాగతించారు.

సత్యం, చట్టంపై తమకు నమ్మకం ఉందని, ఈ తీర్పు దాన్ని నిరూపించిందని అదానీ పేర్కొన్నారు. మరో సివిల్ కేసులో ఎలాంటి నేరాన్ని అంగీకరించకుండా 6 మిలియన్ డాలర్ల జరిమానా చెల్లించేందుకు అంగీకరించినట్లు సమాచారం.