గ్లోబల్ మున్నూరు కాపు అసోసియేషన్ ఆధ్వర్యంలో హైదరాబాద్‌లో IT నెట్‌వర్కింగ్ సమావేశం

హైదరాబాద్‌లోని కొండాపూర్‌లో గ్లోబల్ మున్నూరు కాపు అసోసియేషన్ ఐటి నెట్‌వర్కింగ్ సమావేశం నిర్వహించింది.

ఈ కార్యక్రమంలో ఐటి రంగానికి చెందిన నిపుణులు, మేనేజర్లు, సీఈఓలు పాల్గొన్నారు. నెట్‌వర్కింగ్, కెరీర్ వృద్ధి, వ్యాపార సహకారం, జ్ఞానం పంచుకోవడం వంటి అంశాలు చర్చించారు.

సుమారు 350 నుంచి 500 మంది హాజరైనట్లు నిర్వాహకులు తెలిపారు. ఉద్యోగార్థులు, ఉద్యోగస్తులు, నియామక సంస్థల ప్రతినిధులు ఒకే వేదికపై సమావేశమయ్యారు.

అసోసియేషన్ చైర్మన్ రజనీకాంత్ ఈ కార్యక్రమాన్ని పర్యవేక్షించారు. భవిష్యత్తులో ఇలాంటి సమావేశాలు నిర్వహించి, ప్రపంచ వ్యాప్తంగా మున్నూరు కాపు సభ్యులను కనెక్ట్ చేయాలని యోచిస్తున్నట్లు పేర్కొన్నారు.