ఆషాడ మాసంలో బోనం ఎందుకు చేస్తారు? యల్లమ్మ దేవత చరిత్ర ఇదీ

తెలంగాణలో ఆషాడ మాసంలో బోనాల పండుగను ఘనంగా జరుపుకుంటారు. ఈ సంప్రదాయం వెనుక యల్లమ్మ దేవత చరిత్ర ఉంది.

బోయిపల్లి ఒగ్గు పూజారి శివ తెలిపిన వివరాల ప్రకారం, యల్లమ్మ తన భర్తను కాపాడేందుకు బోనం చేసి మరణించింది. అందుకే తెలంగాణలో ముందుగా యల్లమ్మకు బోనం పెట్టిన తర్వాతే గ్రామ దేవతలకు బోనాలు చేస్తారు.

ఈ బోనం వల్ల వర్షాలు కురిసి పంటలు బాగా పండుతాయని, ప్రకృతి పంచభూతాలు చల్లగా ఉంటాయని విశ్వాసం. బోనాలు కేవలం పూజ కాదు; మంచి వర్షాలు, సుఖశాంతులు కోరుతూ చేసే సామూహిక ప్రార్థన. ఇది తెలంగాణ సంస్కృతిలో ఒక గొప్ప సాంప్రదాయం.

ప్రస్తుతం వర్షాలు తగ్గడం, పంటలు దెబ్బతినడం వంటి పరిస్థితులను దృష్టిలో ఉంచుకుని ప్రజలు బోనాలు ఆచరిస్తున్నారు.