రామ మందిరం దొంగతనం కేసు: చంపత్ రాయ్ తర్వాత గోపాల్ రావు కూడా రాజీనామా చేయనున్నారా?

అయోధ్య రామ మందిరం దొంగతనం కేసులో శ్రీరామ జన్మభూమి తీర్థ క్షేత్ర ట్రస్ట్ లో మరో కీలక పరిణామం చోటు చేసుకుంది. ట్రస్ట్ జనరల్ సెక్రెటరీ చంపత్ రాయ్, ట్రస్టు సభ్యుడు అనిల్ మిశ్రా ఇప్పటికే రాజీనామా చేసిన విషయం తెలిసిందే. తాజాగా మందిర నిర్వహణ బాధ్యతల్లో ఉన్న గోపాల్ రావు కూడా తన పదవి నుండి వైదొలగనున్నారు. ఆయన స్వచ్ఛందగా బాధ్యతల నుంచి తప్పుకోవచ్చని సమాచారం. ఈ నేపథ్యంలో జులై 11 న జరిగే ట్రస్ట్ సమావేశంలో కొత్త నిర్వహణ వ్యవస్థను రూపొందించనున్నారు.

ఈ కేసుకు సంబంధించి అరెస్టయిన 8 మంది నిందితులను నేడు కోర్టులో ప్రవేశపెట్టనున్నారు. వారిని పోలీస్ రిమాండ్ కు కోర్టు అనుమతిస్తే, విచారణలో మరిన్ని కొత్త పేర్లు బయటికి వచ్చే అవకాశం ఉంది. ప్రస్తుతం నిందితులు జైలులో ఉన్నారు. మరోవైపు ఫైజాబాద్ బార్ అసోసియేషన్ నిర్ణయం మేరకు ఈ కేసులో నిందితుల తరఫున ఏ వకీలు కూడా వాదించబోరు. ఒకవేళ వాదిస్తే అతని సభ్యత్వం రద్దు అవుతుంది మరియు రూ. 5 లక్షల జరిమానా విధించబడుతుంది.

ఇదిలా ఉండగా, పోలీస్ చేసిన దాడులలో చంపత్ రాయ్ డ్రైవర్ టిన్నూ యాదవ్ నివాసం నుండి నగదు స్వాధీనం చేసుకున్నారు. నిందితుల స్నేహితులు, బంధువులు మరియు పొరుగువారిని కూడా విచారించారు. ఈ మొత్తం వ్యవహారంపై అలహాబాద్ హైకోర్టులో ఒక ప్రజా ప్రయోజన వ్యాజ్యం దాఖలైంది. కేసును CBI కు అప్పగించాలని పిటిషన్ లో డిమాండ్ చేశారు. ఫైజాబాద్ న్యాయవాదుల ప్రతినిధి బృందం సుప్రీంకోర్టులో కూడా పిటిషన్ దాఖలు చేయనుంది. SIT దర్యాప్తు ముమ్మరం కావటంతో ఈ కేసు పరిధి పెరుగుతోంది.

నిందితులకు బెయిల్ మంజూరయ్యే అవకాశాలు చాలా తక్కువగా ఉన్నాయి. పోలీస్ రిమాండ్ సమయంలో కీలకమైన సమాచారం వెల్లడయ్యే సూచనలు ఉన్నాయి.