వర్షం కోసం పెద్దపల్లి జిల్లా గుడిమిట్టపల్లిలో శివునికి నీరాభిషేకం

పెద్దపల్లి జిల్లా సుల్తానాబాద్ మండలంలోని గుడిమిట్టపల్లి గ్రామస్తులు వర్షం కోసం ప్రత్యేక పూజలు నిర్వహించారు. గ్రామంలోని రాజేశ్వరస్వామి ఆలయంలో శివుడికి, నందీశ్వరుడికి నీరాభిషేకం చేశారు. సుమారు 100 మంది మహిళలు నీటి బిందెలతో ఆలయం చుట్టూ ప్రదక్షిణ చేశారు.

ఈ ప్రాంతంలో రుతుపవనాలు ఆలస్యం కావడంతో వేడి ఎక్కువగా ఉండి, వర్షాలు లేవు. దీంతో గ్రామస్తులు వర్షం పడేలా ప్రార్థించారు. తెలంగాణలోని పలు ప్రాంతాల్లో కూడా ఇలాంటి వర్ష ప్రార్థనలు జరుగుతున్నాయి.