గువ్వల ఘాట్ టన్నెల్ పనులు ఆలస్యం: పర్యావరణ అనుమతుల కోసం ఎదురుచూపు

కడప జిల్లాలోని NH-40 పై ఉన్న గువ్వల చెరువు ఘాట్ రోడ్డు ప్రమాదాలకు నిలయంగా మారింది. ఈ ఘాట్‌లో 10 ప్రమాదకర మలుపులు ఉండడంతో ఇటీవల అనేక రోడ్డు ప్రమాదాలు జరిగాయి. ప్రమాదాల నివారణకు 4 కిలోమీటర్ల టన్నెల్ నిర్మించాలని ప్రజలు 20 ఏళ్లుగా డిమాండ్ చేస్తున్నారు.

2024లో కేంద్ర ప్రభుత్వం ఏరియల్ సర్వే చేసి, సుమారు 4 కిలోమీటర్ల సొరంగ మార్గం నిర్మాణానికి ఆమోదం తెలిపింది. ఈ ప్రాజెక్టుకు ₹1,000 కోట్ల బడ్జెట్ కేటాయించింది. అయితే, టన్నెల్ నిర్మాణ పనులు ఇంకా ప్రారంభం కాలేదు.

పనులు ఆలస్యం కావడానికి ప్రధాన కారణం పర్యావరణ అనుమతులు లభించకపోవడమే. టన్నెల్ అటవీ ప్రాంతం గుండా వెళ్తుండడంతో క్లియరెన్స్ కోసం 6 నెలలుగా ప్రయత్నాలు జరుగుతున్నాయి. ఈ విషయమై ఏపీ మంత్రి మందిపల్లి రామప్రసాద్ రెడ్డి మాట్లాడుతూ, 'పర్యావరణ అనుమతులు వచ్చేలోపు, రాబోయే 2-3 నెలల్లో పనులు ప్రారంభమవుతాయి' అని తెలిపారు. అలాగే రాయిచోటి-పీలేరు-చిత్తూరు మార్గాన్ని 4 లైన్లకు విస్తరించే ప్రతిపాదనలు కూడా సిద్ధం చేస్తున్నట్లు చెప్పారు.

ప్రస్తుతం పర్యావరణ అనుమతుల కోసం ఎదురుచూస్తున్నారు. టన్నెల్ నిర్మాణం అందుబాటులోకి వచ్చే సమయం ఇంకా స్పష్టం కాలేదు.