ప్రముఖ నటుడు, నిర్మాత జీవీ నారాయణరావు కన్నుమూత

నటుడు, నిర్మాత జీవీ నారాయణరావు బుధవారం సాయంత్రం అనారోగ్యంతో మృతి చెందారు. ఆయన వయసు 73 సంవత్సరాలు. ఆయన మృతి వార్తను నటి కరాటే కళ్యాణి సోషల్ మీడియాలో వెల్లడించారు.

జీవీ నారాయణరావు సినీ కెరీర్ 1976లో ప్రారంభమైంది. కె. బాలచందర్ దర్శకత్వం వహించిన 'అంతులేని కథ' సినిమాతో ఆయన వెండితెరకు పరిచయమయ్యారు. ఈ చిత్రానికి ఉత్తమ సహాయ నటుడిగా నంది అవార్డు అందుకున్నారు.

ఆ తర్వాత దాదాపు 100కు పైగా సినిమాల్లో నటించారు. 'మంచు పల్లకి', 'చట్టానికి కళ్లు లేవు', 'రాజా విక్రమార్క', 'గ్యాంగ్ లీడర్', 'హిట్లర్' వంటి చిత్రాల్లో ఆయన కనిపించారు.

చిరంజీవితో కలిసి పలు చిత్రాల్లో నటించారు. 'దేవాంతకుడు', 'యముడికి మొగుడు' చిత్రాలకు నిర్మాతగా వ్యవహరించారు. 1973లో మద్రాస్ ఫిలిం ఇన్స్టిట్యూట్ తొలి బ్యాచ్లో రజినీకాంత్తో కలిసి శిక్షణ పొందారు.

ఆయన మృతిపై సినీ ప్రముఖులు, అభిమానులు సంతాపం తెలిపారు.