మంచిర్యాల జిల్లా చెన్నూరులో గ్రామ సభల్లో ఓటర్లకు SIR నోటీసులు పంపిణీ

మంచిర్యాల జిల్లా చెన్నూరు నియోజకవర్గంలో గ్రామ సభలు నిర్వహించి ఓటర్లకు SIR నోటీసులు అందిస్తున్నారు. మున్సిపల్ వార్డులు, గ్రామీణ ప్రాంతాల్లో ఈ కార్యక్రమాన్ని బూత్ స్థాయి అధికారులు నిర్వహిస్తున్నారు.

నోటీసులు అందుకున్న ఓటర్లు గడువులోగా సంబంధిత ధృవీకరణ పత్రాలు సమర్పించాలని అధికారులు తెలిపారు. పత్రాలు పరిశీలించిన తర్వాతే రికార్డులను ఆన్లైన్లో అప్లోడ్ చేస్తామన్నారు.

ఓటరు జాబితాలో పేర్ల మార్పులు, చేర్పులు, సవరణల కోసం SIR ప్రక్రియను వినియోగించుకోవాలని సూచించారు. ప్రత్యేక గ్రామసభల్లో ప్రతి BLO పాల్గొంటున్నారు. ఓటర్ల జాబితాను చదివి వినిపిస్తూ, మరణించిన వారు, పూర్తిగా వలస వెళ్లిన వారి వివరాలను పరిశీలిస్తున్నారు.

SIR ప్రక్రియలో anomalies లేదా unmapping ఉన్న ఓటర్లకు నోటీసులు ఇస్తున్నారు. ఈ నోటీసులపై విచారణ తహసీల్దార్ కార్యాలయంలో నేటి నుంచి జరుగుతుంది. ఎన్నికల సంఘం నిర్దేశించిన 13 పత్రాల్లో ఏదైనా ఒకటి సమర్పించాలని చెప్పారు. పత్రాలు పరిశీలించిన తర్వాత ఓటరు జాబితా నవీకరిస్తారు.