మారికవలస గిరిజన పాఠశాల తరలింపుపై విద్యార్థులు, తల్లిదండ్రుల ఆందోళన

విశాఖపట్నం జిల్లా మారికవలసలోని గిరిజన స్కూల్ ఆఫ్ ఎక్సలెన్స్ బాలుర పాఠశాలను NIT JEE Mains శిక్షణ కోసం కేటాయించారు. దీంతో విద్యార్థులను ప్రత్యామ్నాయ పాఠశాలలకు తరలించారు.

విద్యార్థులను ప్రత్యేక బస్సులో విశాఖపట్నం నుంచి పాడేరుకు తరలించారు. దీనిపై విద్యార్థులు, తల్లిదండ్రులు, గిరిజన సంఘాల నాయకులు నిరసన చేపట్టారు.

మారికవలస పాఠశాలను యథావిధిగా కొనసాగించాలని వారు డిమాండ్ చేశారు. SP కార్యాలయం నుంచి ITDA కార్యాలయం వరకు ర్యాలీ నిర్వహించారు. ITDA కార్యాలయం ముందు నేలపై కూర్చొని ఆందోళన చేశారు.

ITDA PO ఆదిత్య వర్మ వారితో రెండు గంటల పాటు చర్చించారు. 100 మీటర్ల దూరంలో ఉన్న బాలికల పాఠశాలను విలీనం చేస్తామని హామీ ఇచ్చారు. గిరిజన సంఘ నాయకులు ఈ ప్రతిపాదనను అంగీకరించలేదు.

దీంతో ఈ విషయాన్ని ఉన్నతాధికారుల దృష్టికి తీసుకెళ్తానని ఆదిత్య వర్మ తెలిపారు. ఆందోళనలో ఉన్నవారికి భోజన ఏర్పాట్లు చేయాలని అధికారులను ఆదేశించారు.