హనుమంతుని ఉగ్రరూపం భయాలను తొలగించే స్వరూపం: ఆధ్యాత్మిక వివరణ

హనుమంతుని ఉగ్రరూపం చూసి చాలామంది భయపడతారు. అయితే, ఆ ఉగ్రరూపం భయాన్నే తొలగించే అపూర్వమైన స్వరూపమని ఆధ్యాత్మిక వక్తలు చెబుతున్నారు.

దేవతా ఆరాధనలో భోగ, యోగ, ఉగ్ర అనే మూడు రూపాలున్నాయి. యోగ రూపం జ్ఞానాన్నీ, భోగ రూపం కోరికలను తీర్చే సిద్ధులనూ, ఉగ్ర రూపం భయాలను తొలగిస్తుందని వక్త వివరించారు. నరసింహ, భైరవ, వీరభద్ర రూపాలు కూడా ఉగ్ర రూపాలే. హనుమంతుని ఉగ్రమూర్తి కూడా అందులో ఒకటి.

యోగ రూపంలో ఉన్న హనుమంతుడు సనక సనందాది మహర్షులకు తారక రహస్యాన్ని బోధించినట్లు ప్రవచనంలో ప్రస్తావించారు. భోగ, యోగ, ఉగ్ర రూపాలు భక్తుల అవసరాలకు అనుగుణంగా భగవంతుడు ధరిస్తాడని ఈ వివరణ తెలియజేస్తోంది.