జల్పైగురి జిల్లాలో భారీ వర్షం, సుఖానీ నది ఒడ్డున 200 ఇళ్లు మునిగాయి

పశ్చిమ బెంగాల్‌లోని జల్పైగురి జిల్లాలో కురిసిన భారీ వర్షానికి సుఖానీ నది పొంగిపొర్లింది. దీంతో నది ఒడ్డున ఉన్న సుమారు 200 ఇళ్లలోకి వరద నీరు ప్రవేశించింది.

అర్ధరాత్రి 2:30 గంటల ప్రాంతంలో ఒక్కసారిగా నది ఉద్ధృతి పెరగడంతో రోడ్లు, వంతెనలు నీట మునిగాయి. చాలా చోట్ల ఇళ్లలోకి నీరు చేరడంతో ప్రజలు భయంతో బయటకు పరిగెత్తారు. చిన్నారులతో సహా కొంతమంది కిటికీల ద్వారా సురక్షిత ప్రాంతాలకు వెళ్లారు.

స్థానికులు చెప్పిన దాని ప్రకారం, చాలా ఇళ్లలో నీరు ఇప్పటికీ నిలిచి ఉంది. బియ్యం, బట్టలు, ఇతర వస్తువులు ధ్వంసమయ్యాయి. చెప్పులు కూడా లేకుండా ప్రజలు ఇబ్బందులు పడుతున్నారు.

ప్రతి ఏటా భారీ వర్షాలు పడినప్పుడు సుఖానీ నది ఇలాగే పొంగుతుందని, దీన్ని నివారించేందుకు నదికి కట్ట (ఎంబాంక్‌మెంట్) నిర్మించాలని ప్రజలు చాలాకాలంగా డిమాండ్ చేస్తున్నారు. అధికారులు సంఘటనా స్థలాన్ని సందర్శించారు, కానీ సహాయక చర్యలు ఇంకా అందలేదు. ప్రాణనష్టం జరగలేదని తెలుస్తోంది.