తెలంగాణలో భారీ వర్షాలు: పలు జిల్లాలకు ఆరెంజ్, ఎల్లో అలర్ట్లు

తెలంగాణలోని పలు జిల్లాల్లో భారీ వర్షాలు కురుస్తున్నాయి. భారత వాతావరణ శాఖ (IMD) కామారెడ్డి, రాజన్న సిరిసిల్ల, వికారాబాద్, రంగారెడ్డి జిల్లాలకు ఆరెంజ్ అలర్ట్ జారీ చేసింది. హైదరాబాద్తో పాటు పలు ఇతర జిల్లాలకు ఎల్లో అలర్ట్ జారీ చేసింది.

వికారాబాద్, రంగారెడ్డి, మెదక్, సిద్దిపేట జిల్లాల్లో భారీ వర్ష సూచన ఉంది. కామారెడ్డి, సిరిసిల్ల, కరీంనగర్, యాదాద్రి భువనగిరి జిల్లాల్లో ఇప్పటికే భారీ వర్షాలు కురుస్తున్నాయి. నల్గొండ, సూర్యపేట, ఖమ్మం, భద్రాద్రి కొత్తగూడెం జిల్లాల్లో కూడా భారీ వర్షాలు కొనసాగే అవకాశం ఉందని వాతావరణ శాఖ తెలిపింది. గద్వాల, మహబూబ్నగర్ జిల్లాల్లో ఉదయం వరకు భారీ వర్షాల హెచ్చరిక ఉంది.

హైదరాబాద్‌లో రాత్రి భారీ వర్షం కురిసింది. లోతట్టు ప్రాంతాలు జలమయం కాగా, HYDRA సిబ్బంది సహాయక చర్యలు చేపట్టారు. రహదారులపై నిలిచిన వరద నీటిని భారీ మోటార్లతో తొలగించారు. అక్కడక్కడ రోడ్లు చెరువులను తలపించాయి.

ఈ వర్షాలతో పాటు గంటకు 40 కి.మీ. వేగంతో ఈదురుగాలులు వీచే అవకాశం ఉందని, ప్రజలు అప్రమత్తంగా ఉండాలని భారత వాతావరణ శాఖ సూచించింది. మిగతా జిల్లాల్లో తేలికపాటి నుంచి మోస్తరు వర్షాలు కురిసే అవకాశం ఉంది.