విడాకులకు కూలింగ్ పిరియడ్ తప్పనిసరి కాదు: హైకోర్టు

హిందూ వివాహ చట్టం ప్రకారం పరస్పర అంగీకారంతో విడాకులు తీసుకోవాలనుకునే దంపతులకు ఆరు నెలల కూలింగ్ పిరియడ్ తప్పనిసరి కాదని హైకోర్టు తీర్పు చెప్పింది.

భార్యాభర్తలు పూర్తిగా ఏకీభవించి, వివాదాలను సామరస్యంగా పరిష్కరించుకుని, ఇక కలిసి జీవించడానికి ఇష్టపడనప్పుడు, వారు ఆరు నెలలు ఎదురుచూడాల్సిన అవసరం లేదని కోర్టు స్పష్టం చేసింది. సెక్షన్ 13బి2 నిబంధన వివాహాన్ని పునరుద్ధరించుకునే అవకాశం ఇవ్వడమే లక్ష్యం అయినా, ఆ పునరాలోచనకు లేనప్పుడు తప్పనిసరి కాలపరిమితి నుంచి మినహాయింపు ఇవ్వవచ్చునని తెలిపింది.

ఈ కేసుకు సంబంధించి ఒంగోలులోని కుటుంబ న్యాయస్థానాన్ని విడాకుల పిటిషన్ విచారణను వేగవంతం చేయాలని, దంపతుల అభ్యర్థనను పరిగణలోకి తీసుకోవాలని హైకోర్టు ఆదేశించింది. చట్ట నిబంధనల ప్రకారం తగిన ఉత్తర్వులు ఇవ్వాలని సూచించింది.