హైదరాబాద్ బిర్లా మందిరానికి 50 ఏళ్లు: వ్యక్తిగత పూజలు చేయని ప్రత్యేక ఆలయం

హైదరాబాద్‌లోని బిర్లా మందిరం 50 వసంతాలు పూర్తి చేసుకుంది. కాలాపహాడు కొండపై ఉన్న ఈ ఆలయం స్వర్ణోత్సవం జరుపుకుంటోంది.

ఈ ఆలయంలో మాత్రం భక్తుల పేరిట ఎలాంటి ప్రత్యేక పూజా కార్యక్రమాలు జరగవు. ఇక్కడ ప్రతి పూజ లోక కళ్యాణం కోసమే. 50 ఏళ్లలో ఆలయ నిర్మాణానికి కారణమైన బిర్లా కుటుంబం తరపున కూడా ఒక్క వ్యక్తిగత పూజ చేయలేదు.

రాజస్థాన్ నుంచి తెచ్చిన 2000 టన్నుల తెల్ల రాతితో 280 అడుగుల ఎత్తున 10 ఏళ్ల పాటు నిర్మించిన ఈ ఆలయంలో 11 అడుగుల శ్రీనివాసుడి విగ్రహం ఉంది. గుంటూరు నల్లరాతితో చెక్కిన ఈ విగ్రహం తిరుమల వెంకన్నను తలపిస్తుందని భక్తులు చెబుతారు.

1976లో చినజీయర్ స్వామి మార్గదర్శకత్వంలో ఈ ఆలయంలో ప్రాణ ప్రతిష్ట జరిగింది. ఉత్తర, దక్షిణ భారత శిల్ప కళల మేలుకలయికగా ఈ ఆలయ నిర్మాణం జరిగింది.