హైదరాబాద్లో భారీ వర్షం; లోతట్టు ప్రాంతాలు జలమయం, ట్రాఫిక్ అంతరాయం

హైదరాబాద్‌లో ఈ సాయంత్రం భారీ వర్షం కురిసింది. ఉద్యోగులు ఇళ్లకు వెళ్తుండగా ఒక్కసారిగా వర్షం పడడంతో పలు ప్రాంతాల్లో రోడ్లపై నీరు నిలిచింది. దీంతో ట్రాఫిక్ జామ్ ఏర్పడి వాహనదారులు ఇబ్బందులు పడ్డారు.

యూసుఫ్‌గూడా, అమీర్‌పేట, పంజాగుట్ట, ఖైరతాబాద్, లకడీకాపూల్, మాసబ్ ట్యాంక్, మాదాపూర్, హైటెక్ సిటీ, కొండాపూర్, గచ్చిబౌలి తదితర ప్రాంతాల్లో భారీ వర్షం పడింది. వర్షపు నీరు రోడ్లపై నిలిచిపోవడంతో వాహనాలు నిలిచిపోయాయి. జీహెచ్ఎంసీ అధికారులు రెయిన్ అలర్ట్ అందుకుని లోతట్టు ప్రాంతాల్లో నీటిని తొలగించే పనిలో నిమగ్నమయ్యారు.

వాతావరణ శాఖ అంచనా ప్రకారం మరో 40 నిమిషాల వరకు భారీ వర్షం పడే అవకాశం ఉందని, సాయంత్రం 7-8 గంటల మధ్య మోస్తారు నుంచి భారీ వర్షం కొనసాగవచ్చని అధికారులు చెప్పారు. రాబోయే గంటలో వర్షం తగ్గకపోతే మరిన్ని ప్రాంతాలు జలమయమయ్యే అవకాశం ఉంది.