500 కిలోల బాంబులను స్మార్ట్ గ్లైడ్ బాంబులుగా మార్చే కిట్ కోసం IAF హైదరాబాద్ సంస్థను ఎంపిక

భారత వైమానిక దళం (IAF) 500 కిలోల జనరల్ పర్పస్ బాంబులను స్మార్ట్ గ్లైడ్ బాంబులుగా మార్చే స్వదేశీ ప్రెసిషన్ రేంజ్ ఎక్స్టెన్షన్ కిట్ (IPREKE) అభివృద్ధికి హైదరాబాద్‌కు చెందిన అపోలో మైక్రో సిస్టమ్స్ సంస్థను ఎంపిక చేసింది.

ఈ కిట్‌లో స్వదేశీ నావిగేషన్ సిస్టమ్, వింగ్స్, కంట్రోల్ సర్ఫేస్‌లు ఉంటాయి. ఇది అమర్చిన తర్వాత బాంబును 80 నుంచి 100 కిలోమీటర్ల దూరం నుంచి విడుదల చేయవచ్చు. సుమారు 3 మీటర్ల ఖచ్చితత్వంతో లక్ష్యాన్ని ఛేదించడం ప్రాజెక్ట్ లక్ష్యం.

ఈ ప్రాజెక్ట్ మేక్-టూ కేటగిరీ కింద అమలవుతుంది. అపోలో మైక్రో సిస్టమ్స్ సొంత పెట్టుబడితో ప్రోటోటైప్ తయారు చేస్తుంది. పరీక్షలు విజయవంతమైతే IAF 500కు పైగా కిట్లను కొనుగోలు చేయనుంది.

కొత్త ఖరీదైన ప్రెసిషన్ బాంబులను కొనకుండా ఇప్పటికే ఉన్న సాధారణ బాంబులను అప్‌గ్రేడ్ చేయడం దీని ప్రత్యేకత. దీనివల్ల వ్యయం తగ్గడంతో పాటు దిగుమతులపై ఆధారపడటం తగ్గి స్వదేశీ రక్షణ రంగానికి ఊతం లభిస్తుంది.