తెలంగాణకు వారం రోజుల రెయిన్ అలర్ట్, పలు జిల్లాలకు యెల్లో హెచ్చరిక

వాతావరణ శాఖ (IMD) తెలంగాణ రాష్ట్రానికి వారం రోజుల పాటు వర్ష సూచన జారీ చేసింది. హైదరాబాద్‌తో సహా రాష్ట్రవ్యాప్తంగా వర్షాలు పడతాయని వెల్లడించింది.

ఈ నేపథ్యంలో పలు జిల్లాలకు యెల్లో అలర్ట్ జారీ చేసింది. ఉష్ణోగ్రతలు 2 నుంచి 5 డిగ్రీల సెల్సియస్ వరకు తగ్గుతాయని తెలిపింది.

రాయలసీమ పరిసర ప్రాంతాల్లో ఏర్పడిన ఉపరితల ఆవర్తనం, ఛత్తీస్‌గఢ్ మీదుగా తెలంగాణ వరకు కొనసాగుతున్న ద్రోణి ప్రభావంతో వర్షాలు కురుస్తాయని IMD వివరించింది. ఈదురు గాలులు గంటకు 40-50 కిలోమీటర్ల వేగంతో వీచే అవకాశం ఉంది.