భారత్ 2047 నాటికి 30 ట్రిలియన్ డాలర్ల ఆర్థిక వ్యవస్థగా అవతరిస్తుంది: అమెరికాలో భారత రాయబారి

అమెరికాలో భారత రాయబారి మన్మోహన్ కవతారా భారత్ ఆర్థిక వ్యవస్థ భవిష్యత్తు లక్ష్యాలపై కీలక ప్రకటన చేశారు. 2047 సంవత్సరం నాటికి భారత జీడీపీ 25 నుండి 30 ట్రిలియన్ డాలర్లకు చేరుతుందని ఆయన అంచనా వేశారు. ప్రస్తుతం భారత్ 4.3 ట్రిలియన్ డాలర్ల ఆర్థిక వ్యవస్థగా ఉన్నది. ఈ దశాబ్దం చివరి నాటికి అది 7 ట్రిలియన్ డాలర్లకు, 2030ల మధ్య నాటికి 14 ట్రిలియన్ డాలర్లకు ఎదుగుతుందని ఆయన వివరించారు. 'ప్రధాని మోదీ నేతృత్వంలోని భారత్ ప్రపంచ క్రమంలో ఒక అనివార్య వారధి మాత్రమే కాదు, ఆర్థిక వృద్ధి, స్థిరత్వం, విశ్వసనీయతకు కీలకమైన లంగర్ (anchor) గా మారింది' అని రాయబారి పేర్కొన్నారు. గతంలో ప్రధాని మోదీ 5 ట్రిలియన్ డాలర్ల ఆర్థిక వ్యవస్థ లక్ష్యాన్ని నిర్దేశించారు. తాజా అంచనాలు ఈ లక్ష్యాన్ని మించిపోతాయని సూచిస్తున్నాయి. భారత్ ప్రస్తుతం ప్రపంచంలో 5వ అతిపెద్ద ఆర్థిక వ్యవస్థ. 2047 నాటికి వికసిత భారత్ లక్ష్యంలో భాగంగా 30 ట్రిలియన్ డాలర్ల స్థాయికి చేరుకోవడమే లక్ష్యం. ఈ లక్ష్యాలను సాధించేందుకు అమెరికా, ఇతర G20 దేశాలతో కలిసి పని చేస్తామని రాయబారి స్పష్టం చేశారు.