అరుణాచల్‌లో 27 ప్రాంతాలకు చైనా పేర్ల మార్పుపై భారత్ తీవ్ర ఖండన

అరుణాచల్ ప్రదేశ్‌లో చైనా చర్యలను భారత్ తీవ్రంగా ఖండించింది. రెండు దేశాల మధ్య దౌత్య సంబంధాలు సరిహద్దు వివాదంపైనే ఆధారపడి ఉంటాయని విదేశాంగ శాఖ తేల్చి చెప్పింది.

చైనా అరుణాచల్‌పై తమదేనని వాదిస్తూ రాష్ట్రంలోని ప్రాంతాలకు చైనీస్ పేర్లు వరుసగా ప్రకటిస్తుంది. 2017 నుంచి ఈ తరహాలో కొనసాగుతున్న చైనా, ఇటీవల 27 ప్రాంతాలకు కొత్త పేర్లను ప్రకటించింది.

చైనా చర్యకు భారత్ మ్యాప్‌తో సమాధానం ఇచ్చింది. పేర్లు మార్చడం వల్ల భూభాగంపై హక్కులు మారవని స్పష్టం చేసింది. అరుణాచల్‌లోని 27 ప్రాంతాల భౌగోళిక ప్రామాణిక పేర్లను భారత అధికారిక మ్యాప్‌లో గుర్తించింది. లాంగ్, మాజా, బిసా, జోలా, రిజాల, పకుర్ల, ధాగ్లా, శంభో సరోవర్, బారాకుందున్, చోటా కుందున్, ధన్బారి, జైరాంపూర్, రామనగర్, జస్వంత్ గర్ లాంటి ప్రాంతాలు వీటిలో ఉన్నాయి.

భారత్-చైనా సరిహద్దు వివాదం చాలా ఏళ్ల నాటిది. 1914లో బ్రిటిష్ ప్రభుత్వం మాక్‌మోహన్ లైన్‌ను సరిహద్దుగా నిర్ణయించింది. భారత్ దాన్నే చట్టబద్ధమైన సరిహద్దుగా పరిగణిస్తుంది. అయితే చైనా మాత్రం మాక్‌మోహన్ లైన్‌ను గుర్తించదు. అరుణాచల్ ప్రదేశ్‌ను తమ భూభాగంగా చెబుతోంది. భారత్ మాత్రం అరుణాచల్ భారత అంతర్భాగమని స్పష్టం చేస్తోంది.