హైదరాబాద్‌లో ఇండియన్ ఫైర్‌వర్క్స్ 100వ వార్షికోత్సవం

హైదరాబాద్ పీపుల్స్ ప్లాజాలో ఇండియన్ ఫైర్‌వర్క్స్ 100వ వార్షికోత్సవం జరిగింది. తెలంగాణ, ఆంధ్రప్రదేశ్ సహా దేశవ్యాప్తంగా డీలర్లు పెద్ద ఎత్తున పాల్గొన్నారు.

1926లో ప్రారంభమైన ఈ సంస్థ భారతీయ సంప్రదాయంలో భాగంగా నిలిచిందని నిర్వాహకులు తెలిపారు. గతంలో టపాసులు కాలుష్యానికి కారణమవుతాయని విమర్శలు వచ్చాయని, సుప్రీంకోర్టులో వీటిని నిషేధించాలని పిటిషన్లు దాఖలైన విషయాన్ని వారు గుర్తు చేశారు.

కేంద్ర ప్రభుత్వం రెండు, మూడు పరిశోధనా సంస్థలకు కాలుష్యం తగ్గించే రసాయనాలపై పరిశోధన చేయాలని టాస్క్ ఇచ్చిందని నిర్వాహకులు వివరించారు. కొత్త oxidizers కాంబినేషన్‌తో గ్రీన్ క్రాకర్లు ఉత్పత్తి అయ్యాయని, వీటి వాడకం వల్ల కాలుష్యం 60 నుంచి 70 శాతం తగ్గిందని చెప్పారు.

పూర్తిగా జీరో పొల్యూషన్ గ్రీన్ క్రాకర్ల కోసం పరిశోధన కొనసాగుతోందని, నాలుగు, ఐదేళ్లలో లక్ష్యాన్ని చేరుకుంటామని సంస్థ ప్రతినిధి అభిప్రాయపడ్డారు.