తుంగతుర్తి కాంగ్రెస్ ఘర్షణపై జగ్గారెడ్డి నివేదిక ఇవాళ

తుంగతుర్తి నియోజకవర్గం కాంగ్రెస్ నేతల మధ్య నెలకొన్న వివాదంపై టీపీసీసీ వర్కింగ్ ప్రెసిడెంట్ జగ్గారెడ్డి ఇవాళ పీసీసీ అధ్యక్షుడు మహేశ్ కుమార్ గౌడ్‌కు నివేదిక సమర్పించనున్నారు.

తుంగతుర్తి ఎమ్మెల్యే సామ్యూల్, ఎంపీ కోమటిరెడ్డి రాజగోపాల్ రెడ్డి మధ్య ఎస్సీ నియోజకవర్గాల వ్యవహారం తీవ్ర రూపం దాల్చింది. ఎమ్మెల్యే సామ్యూల్ కొమటిరెడ్డి సోదరులపై విమర్శలు చేశారు. దీనిపై ఎంపీ రాజగోపాల్ రెడ్డి స్పందిస్తూ, సామ్యూల్‌కు టికెట్ ఇప్పించింది, గెలిపించింది తానేనని అన్నారు.

జగ్గారెడ్డి మాట్లాడుతూ, ఇద్దరు నేతల వీడియోలను పరిశీలించానని, పలువురు సీనియర్ నేతల అభిప్రాయాలు తీసుకున్నానని తెలిపారు. పది రోజుల పాటు కసరత్తు చేసి ఏడు పేజీల నివేదిక తయారు చేశానని చెప్పారు.

నివేదికను మహేశ్ కుమార్ గౌడ్‌కు అందించిన తర్వాత, పీసీసీ చీఫ్, సీఎం రేవంత్ రెడ్డి, ఏఐసీసీ ఇన్చార్జి మీనాక్షి నటరాజన్‌లు పరిశీలించి నిర్ణయం తీసుకుంటారని జగ్గారెడ్డి వివరించారు.

రాజగోపాల్ రెడ్డి సీనియర్ నేతనని, సామ్యూల్ తొలిసారి ఎమ్మెల్యే అని జగ్గారెడ్డి అన్నారు. వివాదంలో తనకు స్పష్టత ఉన్నా, ప్రస్తుతం బహిరంగంగా చెప్పలేనని, సమయం వచ్చినప్పుడు అర్థమవుతుందని పేర్కొన్నారు. పార్టీలో ఇలాంటి విబేధాలు చాలా చోట్ల ఉన్నాయని, గజ్వేల్‌లోనూ ఇటువంటి సమస్య వచ్చిందని ఆయన తెలిపారు. నివేదిక ఇచ్చిన తర్వాత పార్టీ చర్యలపై స్పష్టత రావాల్సి ఉంది.