తునిలో రెండేళ్ల చిన్నారి జాన్వీ మిస్‌సింగ్: ఐదు రోజులైనా ఆచూకీ లేదు

కాకినాడ జిల్లా తుని సమీపంలో ఐదు రోజుల కిందట రెండేళ్ల చిన్నారి జాన్వీ కనిపించకుండా పోయింది. ఓ పామాయిల్ తోటలో తల్లిదండ్రులతో ఉండగా ఆ చిన్నారి అదృశ్యమైంది.

ఘటన జరిగిన రోజు నుంచి 500 మందికి పైగా పోలీసులు, స్థానికులు తోటలో, పరిసర ప్రాంతాల్లో గాలింపు చర్యలు చేపట్టారు. డ్రోన్లు, ఫ్లై కెమెరాలు సైతం వినియోగించినా చిన్నారి జాడ తెలియలేదు.

చిన్నారి స్మెల్ ఆధారంగా పోలీసులు డాగ్ స్క్వాడ్ ఏర్పాటు చేశారు. అయితే ఇటీవల కురిసిన వర్షం కారణంగా స్మెల్ కొట్టుకుపోయిందా అనే అనుమానం వ్యక్తం అవుతోంది. పోలీసులు ఈ విషయంపై స్పష్టత ఇవ్వలేదు.

చిన్నారి తల్లిదండ్రుల మధ్య ఎలాంటి వివాదాలు లేవని, ఎవరితోనూ శత్రుత్వం లేదని పోలీసులు తెలిపారు. దీంతో వ్యక్తిగత కక్షల కోణంలో దర్యాప్తు ప్రాధాన్యం తగ్గింది.

అన్ని కోణాల్లో దర్యాప్తు కొనసాగుతున్నా, చిన్నారి ఆచూకీ మాత్రం లభ్యం కాలేదు. ఐదు రోజులు గడిచినా ఎలాంటి క్లూ దొరక్కపోవడంతో తల్లిదండ్రులు తీవ్ర ఆందోళన వ్యక్తం చేస్తున్నారు.